Feeds:
Posts
Comments

Archive for December, 2014

2014 in review


The WordPress.com stats helper monkeys prepared a 2014 annual report for this blog.

Here's an excerpt:

The Louvre Museum has 8.5 million visitors per year. This blog was viewed about 80,000 times in 2014. If it were an exhibit at the Louvre Museum, it would take about 3 days for that many people to see it.

Click here to see the complete report.

Advertisements

Read Full Post »

Paglisan At Daratnan


(Tula)

sa makulimlim na enero’y lilisanin ko na
mahalumigmig at nakukumutan ng niyebeng
nanginginig na kalupaan ng manitoba
waring dambuhalang puting papel iyong
itinakip sa malawak na damuhang
hindi na yata humihinga
matatakasan ko na rin
nangangagat na lamig
sa buto ng mga kasukasuan
at litid ng kalamnan
matatakasan ko na rin
hanging sinlamig ng bangkay
at sumasampal sa mukhang
wala na yatang pakiramdam
umuulos, tumatarak iyon
maging sa puso’t isipan
ngunit ano nga ba ang naghihintay
at aking daratnan
sa la tierra pobrezang aking sinilangan
at kadluan ng di masukat na pagmamahal?

tiyak, naroroon pa rin
malamig pa sa niyebeng karalitaan
sa libingan ng mga buhay na kalansay
mga nilikhang namamaluktot sa ginaw
sa ilalim ng mga tulay
mga tulay na nag-uugnay
sa pangarap at kabiguan
sa mga bangketa, parke’t damuhan
himlayan ng mga kaluluwang nananagimpan
tiyak, naroroon pa rin
nakabalabal na lamig ng kapighatian
sa mga dampa sa liblib na kanayunan
sa mga asyenda’t bukirin ng kasakiman
tiyak, naroroon pa rin
nagyeyelong luha’t pighati
sa mga pabrikang gilingan ng laman
at sa nakaluhod na mga barungbarong
sa balikat ng esterong nagbalatay
sa katawan ng gubat ng kalungsuran.

oo, tiyak, naroroon pa rin
naghihintay at aking daratnan
sa pusod at dibdib
ng la tierra pobrezang pinakamamahal
lamig ng di madakmang pag-asa
sa puklo man ng mga eskinita
o suso ng tambakan ng basura
o sa mga pook ng pagdurusang
hinahagupit ng mahanging niyebe
ng pagsasamantala’t inhustisya
mula sa buktot na burukasya
at moog ng uring mapagsamantala
ngunit pasasaan nga ba
sa pamamagitan ng maalab na pakikibaka
ng may budhing panlipunang mga anak ng bayan
matutunaw rin ang mga niyebe
ng karalitaan,kalungkutan at pagdurusa
lalo’t namumuo nang lubusan ang daluyong
o tsunami ng ngitngit ng sambayanan
at lulunurin ng niyebeng matutunaw
lahat-lahat sa palasyo ng kasakiman!

Read Full Post »